su chi in conca tenes a pessamentu
e su coro ponet in tribulia
ti aco sa domanda mia
si es propiu nezzessariu su.. trasferimentu.

alluntana da su coro su trumentu
e non bidas in sa vida solu male
arrima archione e istrale
e sa leze ti pica a istrumentu.

es tempus de la vinire su lamentu
e cuminzare a faghes su dovere
aspettande chi arribet pro te
sa richiesta de trasferimentu.

precamus chi no torret a zirare
su tempus e benzemus a sa gana
no amus prus a tenner mancu lana
e mancu sos padentes pro campare

piaghere ostru … manica ‘e turuddha
no so jeo chi poto cuntestare
ma unos ja sindh’an a abizare
candho an’a abarrare sene nuddha

chie at tentu . . . at tentu
e chie at datu . . . at datu
e su mischinu est bell’e fricatu
arguai a chie no fit prus attentu

ite bellos chi sono sos padentes
uve sa landhe b’est a perdimentu
lastima chi pro chie no fit attentu
no at’a esser gosu pro parentes

Augurios populu bellu oroseinu
como sì pro ’su nobre’ ti l’abbragas
prus no bestezas cusinzos nen ‘ragas’
tantu in padente no b’at prus caminu.

bos saluto chin basu a pithicheddhos
e ispero de bos poder lassare
ca a bider goi no bi cherjo istare
su chi an’a facher custos santicheddhos.

posta ja l’ata a paragonu
che atteras chi binde a distruttas
sa voche grussa a fattu oe
ca cheret azzustada iscala e voes.

nande chi n cue sa vidda ja bi colat
pro andare a tribagliare sos poderes
ma pro su chi nois connoschimmus
ja sono paccos cussos meres.

cando li a rispostu a ripiccu
chi sa causa vidi personale
bessidu ch’est in su cuccumenale
chi cussos fini orrios de borricu.

a sa vine de sa guntierra
sas paraulas volan senza pesu
sa vorza posta si est in mesu
po non bin de seret rutu mancunu a terra.

es tempus de la vinire cussa gherra
e a sa zoventude dare bonu esempiu
chin s’ispera chi prus non suzzeda
e si azusten po sa vidda istradas meda-

cando su manifestu apo lezzidu
su coro mi at postu in trumentu
de colare sa notte a pessamentu
chi torret su chi a sant’andria ammus vidu.

cando at cuminzatu a proinare
ammentos mi torrain in sa mente
su chi a tentu sa vidda de colare
pro gurpas de su malu temporale

oe galu nudda est’istadu vattu
fognas e canales galu gai
donzi guztiu chi venit ghettatu
nos torrat a sa mente- su tempus colatu.

promissas.. meda de assistenzia
de novu a orosei vaghes naschire
fachende de su dannu alluvionale
una bella campagna elettorale.

in medas sa vucca sind’an prenu
de promissas de cada zenìa
de istradas pontes e canales
a su cittadinu cada dannu
chi li veniat pagatu intro s’annu.

ma oe de tottu custu non bi a nudda
sa timessia solu est ‘abbarrada
de torrare cussa notte mala
de nos ponnes de novu s’abba sutta.

per tutti gli alluvionati

piskatore

pro salutare amicos e collegas
e in particolare a cussu merme e muscas
ringraziande de su tempus chi b’impreas
e in sa discussione ti garanto chin de buscas

narìa gai cuddu dizzu antigu
si sas pedhes vezzas mi torro a ghettare
e impare torrammus sas lodes a cantare
commente a calchiunu l’apo vidu.

e tando ti assicuro caru meu
chi de nessunu si at a tennes… pena
currias largas ammus a sestare
ca tantu semmus in palas anzena

e gai cussos chi sono a bucca prena
e donzi die da n de voccan una
non l’is tappammus sa vucca de arena
ma los dommammus chin d’un’aspra e una lena.

como ca pro me est ora tarda
a bois s’azzudu pedo ibbia
a lisa, patriota, piskatore e perandria
de torrare chin sa satira beffarda.

Custu manzanu abaitandhe a mare
apo vistu s’iteddhu portentosu
li fit dandhe a s’istiu s’adiosu
suzicandhe su coro a tocheddhare

Fit Venus s’isteddhu ‘e su manzanu
chi salutat s’amore in cada coro
chi chircat semper una prendha ‘e oro
pro li dare s’amore soveranu

A cussu coro chi sa soledade
l’at imparatu ‘e Venus su valore
l’auguro semper de donare amore
ca est su bene chi no at edade

Abaitare sos donos de Natura
chi Deus sichit semper a criare
est sa manera vona de istimare
e de sarvare cada criatura

A chie no connoschet su valore
de cuddhu portu chi tenim’in coro
l’auguro de accatare prendha ‘e oro
Venus chi a sa vita dat colore.

Elisa
17 capitanni 2009

s’attera sera es torradu in discussione
de su portu su cumminzu e sa cantzone
francotore a rejone o a tortu
a torradu a faeddare de su portu.

a sustegnu in azzudu fin’in tantos
peleande pro vaghes cuss’aprodu
puru da su pubricu sos vantos
e sa minoranza dae tottus sos bancos.

sa cantzone da es bella e in rima
cando si ponet franco a la cantare
a tottus tenet assicurare
chi ugo est s’opera chi vaghet prima.

su sindigu cuntentu li at nadu
chi s’arrejonu li viti de cunfortu
si a orosei arribbat su dinare
vinas issu i prontu a faghes portu.

cosomeddu a tentu a prezisare
chi est opera bella e importante
ma issu a rejone o tortu
drommit peri sene portu.

Como est tempus de godire
su vruttu de toddire
isperande sono abbotu
a innettare su locu.

Si su chelu est a murmuttu
e de nues carrajatu
no est stranu vattu
est de su tempus cussu vruttu.

In suspu s’arrejonu
no est sa menzus cosa
at a precare pro nois
santa varvara ditzosa.

Si de sos undhos su fruttu
Kerimus mandhicare
S’aba devet torrare
Innettandhe su locu bruttu
E de kelu su murmuttu
Devimus aguantare

Santa Varvara ditzosa
Ki protezit dae su lampu
Nos accattet un’istampu
In uve nos cuare
No nos che carret a mare
S’aba forte e portentosa

Potat pro nois precare
Santa Varvara Ditzosa